После 80 години ќе изумрат поларните мечки
Научниците од Соединетите држави и Канада предупредуваат дека поларните мечки би можеле да исчезнат до 2100 година. Причината ќе биде недостигот на храна поради уништувањето на живеалиштата како резултат на климатските промени.
Арктикот се загрева двојно побрзо од остатокот на планетата, така што екосистемите овде се сериозно загрозени од климатските промени.
Научниците докажаа дека 12 од 13-те популации на проучени поларни мечки ќе бидат целосно исчезнати за 80 години. Мечките нема да можат да постојат никаде на Арктикот.
Во некои делови на Арктикот, поларните мечки веќе доживуваат сериозни потешкотии при добивање храна поради топење на мразот. Од глад, мечките губат телесна тежина, што ја намалува нивната способност да ја преживеат арктичката зима, кога храната е оскудна.
Според научниците, морскиот мраз почнува да се формира подоцна секоја година и исчезнува порано.Најпесимистичкото сценарио предвидува затоплување на Земјата за уште 3,3 степени Целзиусови.
