Во пост на својата официјална веб-страница, Мајкрософт ги коментираше перформансите на оперативниот систем Виндоус во последните две години.
Во моментов има повеќе од 1,4 милијарди месечни активни корисници на Windows 10 и 11 ширум светот. Покрај тоа, времето поминато на Windows се зголеми за 10% во споредба со периодот пред пандемијата.
Во просек, луѓето поминуваат 40 отсто повеќе време на своите компјутери со Windows 11 отколку на уредите со Windows 10.
„Windows 11 беше добро прифатен од корисниците, а бесплатната надградба беше двојно побрза од Windows 10“, велат од Microsoft.
Компанијата, исто така, тврди дека Windows 11 има највисок резултат за задоволство на клиентите во споредба со кој било друг Windows досега.
