Интел инвестира во „blockchain“ технологија преку нов чип, кој е дизајниран за ископ на криптовалути.
Според Ројтерс, компанијата се фокусира на одржливост и планира да развие технологии кои се енергетски најефикасни.
Интел го нарекува својот прв чип, со фокус на криптовалутите, „блокчејн акцелератор“, а неговата испорака се очекува подоцна во текот на годината.
Две компании веќе ја нарачаа технологијата, а меѓу нив се и GRIID Infrastructures, која се занимава со ископ на биткоин и Block, во сопственост на Џек Дорси, основачот на Twitter.
Интел истакнува дека повеќе детали за чипсетот ќе објави на крајот на февруари, кога компанијата ќе учествува на меѓународна конференција.
Влијанието на криптовалутите врз животната средина стана загрижувачко, а новиот чип на Интел може да биде обид за решавање на овие проблеми.
