Апликацијата за пораки на Android, наречена Messages од Google, сега може да прикажува реакции од iPhone во форма на еможи.
Според Google, опцијата функционира исто како и испраќање порака до некој што користи уред со Android. Првично, функцијата ќе биде достапна за уреди што зборуваат англиски.
Дополнително, видеата споделени преку Messages од Google може да се испратат како линкови на Google Photos во разговорот. Тоа значи дека корисниците на iPhone ќе можат да гледаат висококвалитетно видео преку Google Photosm наместо заматените содржини што вообичаено пристигнуваат преку MMS. Фотографиите во иднина ќе може да се испраќаат на сличен начин.
Интересно е тоа што Google во соопштението рече дека „го охрабрува Apple да се приклучи на остатокот од мобилната индустрија и да го прифати RCS, за да го направи испраќањето пораки подобар и побезбеден процес, без разлика кој уред се користи“.
Messages од Google има некои нови функции. Има Организирано сандаче, кое автоматски ги подредува пораките во табовите Лични и Деловни. Еднократните пораки за лозинка може да се постават да се бришат автоматски по 24 часа за да се спречи пренатрупаност.
Постојат нежни опции за потсетување за да одговорите на пораките што можеби сте ги пропуштиле или сте ги заборавиле (Gmail ја има истата функција). Опцијата прво ќе им биде достапна на корисниците на англиски јазик, глобално.
Google посочува дека сите споменати ажурирања за Messages од Google ќе пристигнат до корисниците во наредните недели.
