Според последниот официјален финансиски извештај, на Apple му оди доста добро. Компанијата истакна дека во март постигнала рекорден број продадени iPhone, Mac и преносни уреди, како и помалку застапени додатоци за домот.
Продадени се пет проценти повеќе iPhone-и во однос на истиот период минатата година, што донесе приход од 50,6 милијарди долари. Вестите за подобрена продажба доаѓаат од компанија која инвестираше многу во системи за снабдување додека другите производители на хардвер се мачеа со недостиг на компоненти за време на глобалната пандемија. Бројките во извештајот на Apple се сосема спротивно на ситуацијата со другите производители на телефони, каде што нема излез.
Уредите Mac, пак, забележаа најголем пораст во продажбата, за 15 отсто повеќе од минатата година, што на компанијата и донесе 10,4 милијарди долари. Категоријата, исто така, забележа зголемен интерес неодамна, делумно поради поволностите што ги нудат новите чипови на Apple.
Освежените производи како што се iMac и Mac Pro во комбинација со новото Mac Studio го обновија интересот за брендот Apple. На ова, нагласува TechCrunch, неопходно е да се додаде целокупното зголемување на интересот за хардвер за време на пандемијата предизвикана од работата од дома. Преносливи уреди, додатоци за домот и други додатоци забележаа раст од 12 отсто – односно 8,8 милијарди долари. Единствениот матен дел од приказната е, уште еднаш, iPad, чија продажба падна за два отсто во споредба со истиот квартал минатата година.
Сето ова, во комбинација со 17 отсто зголемување на услугите, придонесе за одличен финансиски квартал за американскиот производител – што навистина може да се нарече удар во средината на актуелната ера на глобална несигурност.
„Овој квартален резултат е доказ за континуираниот фокус на Apple на иновациите и нашата способност да создаваме најдобри производи и услуги ширум светот“, рече директорот на компанијата Тим Кук.
