Натпревар за хакерство – победникот освојува Тесла и 600.000 долари

Традиционалната, 15-та Pwn2Own конференција, организирана од Zero Day Initiative, која се одржа од 18 до 20 мај во Ванкувер, собра голем број хакерски истражувачи кои имаа за цел да најдат безбедносни пропусти во производите на познатите технолошки компании. Најголемата награда е предвидена за хакер кој би можел да хакира Tesla Model 3 – дури 600.000 долари и гореспоменатиот автомобил Tesla.

 

Оваа конференција стана позната како тест област за истражувачи кои пронаоѓаат безбедносни пропусти во производите и ги информираат компаниите за нив. Првиот Pwn2Own беше организиран од Драгос Руиу во 2007 година, како предизвик за хакирање на MacBook Pro компјутерите. Тој концепт подоцна се прошири и настанот се одржуваше неколку пати годишно и траеше неколку дена. Овој натпревар им одговара и на истражувачите кои имаат можност да освојат бројни награди, но и на компаниите чии производи поминале низ ригорозни безбедносни тестови.

Во текот на 15 години, конкуренцијата порасна, од мал настан фокусиран на пронаоѓање недостатоци во софтверот, до глобален настан што се одржува низ целиот свет. Првите награди беа симболични, до 1.000 долари, а минатата година, на пример, на хакерите им беа исплатени повеќе од 2.000.000 долари. Само на првиот натпреварувачки ден годинава учесниците освоија награди во износ од 800.000 долари.

За жал (или за среќа на Тесла), оваа година никој не успеа да ја освои главната награда. Најдобриот истражувач-хакер освоил вкупно 270.000 долари, а потоа тројца хакери кои освоиле по 150.000 долари.

Слични вести

Leave a Reply

Your email address will not be published.