Apple е на пат да претстави уред кој многумина со нетрпение го очекуваат

Аналитичарот и новинар Марк Гурман во својот најнов извештај сугерира дека Apple планира наскоро да го претстави својот долгоочекуван уред.

 

Уредот AR/VR на компанијата ќе биде претставен на пролет, според извештаите, пред WWDC конференцијата на Apple во јуни. Уредот треба да се појави во продажба наесен.

Гурман истакнува дека прототипот на хардверот е веќе доставен до мал број програмери за тестирање. Сепак, тој вели дека уредот се уште не е готов и дека Apple се уште работи на подобрување на некои елементи од хардверот и софтверот.

 

За уредот на Apple за зголемена и виртуелна реалност се зборува со години. Првичниот план на компанијата беше да го претстави во јануари годинава, што го потврди и Гурман, но бидејќи не можеа да го завршат навреме, неговото претставување беше одложено.

Со уредот AR/VR, Apple ќе влезе на сосема нов пазар, но не се очекува да има преголема побарувачка за него на самиот почеток, бидејќи се навестуваше можна цена од околу 3000 долари.

Слични вести

Leave a Reply

Your email address will not be published. Required fields are marked *