Маск го купи Твитер за 44 милијарди долари, а сега вреди помалку од 20 милијарди

Tвитер изгуби повеќе од половина од својата вредност во претходните шест месеци, односно откако Маск ја презеде сопственоста на компанијата. Маск во допис до вработените предложи дека Tвитер сега се проценува на помалку од 20 милијарди долари, што е значително помалку од 44 милијарди долари колку што Маск плати за купување на Tвитер во октомври минатата година, пишува „Гардијан“.

Големата девалвација на вредноста на компанијата следеше по турбулентното преземање на Маск. Неколку големи огласувачи ја напуштија платформата, а главниот извор на средства за купување на компанијата од страна на Маск, инвестициската компанија „Фиделити“ ја намали вредноста на својот удел за 56 отсто.

 

Маск во дописот исто така истакна како компанијата била само четири месеци од тоа да остане без пари, пред да им подели серија отпуштања на високо позиционирани вработени. Според бројките што ги претстави Маск во декември, бројот на вработени е намален од околу 7.500 на околу 2.000 вработени.

Слични вести

Leave a Reply

Your email address will not be published. Required fields are marked *