Facebook им дозволи на некои од корисниците да гледаат Instagram Story на Facebook
Некои од корисниците на Facebook ќе можат да гледаат сториња на Instagram преку Facebook. Тие ќе се појавуваат на местото каде што стојат веќе постоечките сториња на Facebook и ќе се разликуваат според „рамката“ која ќе биде во бојата на виножитото.
Facebook ја потврди оваа информација и објави дека станува збор за лимитиран тест со кој се подобрува анализата на одредени информации. За да можете да ја имате оваа опција треба да бидете конектирани на двете социјални мрежи одеднаш и вашите профили мора да бидат поврзани меѓусебно. Засега ова изгледа како мал тест, но времето ќе покаже дали Facebook уште повеќе ќе ги поврзе овие две апликации.
