Глечерот Твејтс може да го донесе крајот на светот

Ледот започнал да се топи, тоа може да го подигне нивото на морето за 3 метри.

Експертите за климатски промени сметаат дека глечерот Твејтс на западниот Антарктик е еден од најранливите, но и најбитните глечери на светот кога станува збор за нивото на морињата во иднина.

Предупредуваат дека поради промената на климата и глобалното затоплување постои можност само неговото топење да го подигне нивото на морето за половина метар. Меѓутоа, топењето на Твејтс би влијаело и на ослободување на другите ледени маси на западниот Антарктик кое може да доведе до пораст на нивото на морето за 2 до 3 метри. 

Доколку би се остварило тоа, последиците би биле катастрофални.

Научниците кон почетокот на годината за првпат го истражувале присуството на топлите води на битните точки од глечерот, што би требало да ја објасни причината за неговото топење.

Твејтс е со површина од околу 119.090 квадратни километри, што е отприлика со големина на Обединетото кралство. Ледот кој се топи од Твејтс и се влева во Амундсеновото море сочинува 4 отсто од глобалното зголемување на нивото на морето, но научниците предупредуваат дека понатамошното зголемување на температурите ќе го наруши балансот.

“Едно од поважните прашања е колку брзо Твејтс ќе стане нестабилен. Ми делува како да сме на работ. Тоа е клуч за други глечери на западниот Антарктик. Ако го отстраните, и останатите ледени маси ќе започнат да се топат”, рекол директорот на програмата која се занимава со антарктичките глечери, Пол Катлер.

Слични вести

Leave a Reply

Your email address will not be published. Required fields are marked *