Новиот електричен автомобил на Lucid Motors – Air ќе има цена под 80,000 долари
После месеци на шпекулации и гласини, Lucid Motors конечно го објави својот прв целосно електричен луксузен седан, Air, за време на live stream на 9 Септември. Висококласната варијанта на овој модел наречена The Dream ќе чини 169,000 долари. Исто така моделот Grand Touring ќе има две варијанти од 130,000 долари и 100,000 долари.
Но TechCrunch дознава дека во подготовка е и четврт модел што ќе чини под 80,000 долари. Точната цена на буџетската верзија на седанот сеуште не се знае, ниту кога ќе биде достапна на пазарот. Но според првичните информации нема да биде објавена до 2022.
