Instagram повторно има проблеми, а корисници од различни делови од светот пријавуваат проблеми со испраќањето и примањето директни пораки. Исти проблеми имаат и корисниците на Facebook Messenger.
Според наводи на различни извори и корисници на Instagram и на Facebook Messenger платформите за размена на пораки, се појавува необичен проблем при кој пораките исчезнуваат штом корисниците ги испратат.
Двете платформи се соочуваат со проблеми веќе неколку часа. Проблем пријави и DownDetector, сајт кој ја следи состојбата на веб сајтовите и пријавува проблеми при функционирањето. Големи проблеми во работата на Instagram и Facebook Messenger се пријавуваат од синоќа. Освен проблеми со инбокс, двете платформи функционираат нормално.
Засега не е позната причината за тоа, ниту колку време е потребно за решавање на проблемите со пораките.
Instagram и претходно имаше проблеми во функционирањето, а поголеми пријави од страна на корисниците беа забележани кон крајот на јуни.
