Не треба да чекате на „Apple“ за да видите како во пракса би можел да изгледа флексибилниот „iPhone“. Има и такви кои сакаат да модифицираат уреди.
Тимот на инженери „The Aesthetics of Science and Technology (AST)“ од Кина тврди дека создал „iPhone“ што се витка со помош на значителни модификации.
„iOS jailbreak“ овозможи на овој екран да се користи софтверот на „Apple“ и функциите како што е поделен екран.
Резултатот е очекуван, со оглед на тоа дека се работи за неофицијален дизајн. Телефонот работи, но има огромна вдлабнатина кога екранот е свиткан.
Има помала батерија, нема опција за безжично полнење и има само еден звучник. Ниту водоотпорноста не е присутна, а модифицираниот „iOS“ сигурно не е на нивото на она што софтверот на „Samsung“ го нуди за серијата флексибилни телефони „Galaxy Z“.
Претходните гласини сугерираа дека можеме да очекуваме вистински „iPhone“ што се витка од „Apple“ во 2023-та година.
